Tónlistarskóli Skagafjarðar

Innritun fyrir skólaárið 2025-26 er lokið

Tue, 29 Jul 2025 13:14:00 +0000

Innritun fyrir skólaárið 2025-26 er lokið. Innritun fer fram frá 15. apríl til 15. júní ár hvert. Samkvæmt innritunarreglum Tónlistarskóla Skagafjarðar hafa nemendur sem stundað hafa nám við skólann forgang ef takmarka þarf fjölda nemenda á einstök hljóðfæri. Mikilvægt er að þeir sem hafa áhuga á tónlistarnámi sæki um þegar innritun stendur yfir, því ekki er hægt að tryggja skólavist ef umsókn berst eftir að innritun lýkur. Til að skrá nemenda á biðlista er hægt að fylla út umsókn úr valmyndinni eða fylla út skráningarform sem má nálgast hér fyrir neðan.

Umsóknarfrestur framlengdur til 25. júní nk.

Fri, 13 Jun 2025 16:07:00 +0000

Innritun fyrir skólaárið 2025-2026 er á lokametrum en umsóknarfrestur hefur verið framlengdur til og með 25. júní nk. Eins og fram kemur í innritunarreglum Tónlistarskóla Skagafjarðar hafa nemendur sem stundað hafa nám við skólann forgang ef takmarka þarf fjölda nemenda á einstök hljóðfæri. Mikilvægt er að allir sem áhuga hafa á tónlistarnámi næsta skólaár sæki um áður en umsóknarfrestur rennur út, ekki er hægt að tryggja skólavist hafi umsókn ekki borist fyrir þann tíma.

Hátíðartónleikar og skólaslit

Thu, 22 May 2025 09:16:00 +0000

Í tilefni 60 ára afmælis tónlistarkennslu á Sauðárkróki verða haldnir tónleikar þar sem nemendur koma fram. Tónleikarnir verða í Miðgarði föstudaginn 23. maí kl. 16:00. Áfanga og stigspróf verða afhent. Veitt verður úr Minningarsjóði Aðalheiðu Erlu Gunnarsdóttur. Þá mun Jón Þorsteinn Reynisson, fyrrum nemandi skólans, leika nokkur lög með Tríó Mýr. Veitingar að tónleikum loknum. Allir velunnarar eru hjartanlega velkomnir.

Gleðilegt nýtt ár og takk fyrir það gamla.

Wed, 08 Jan 2025 09:36:00 +0000

Nú er tónlistarskólinn aftur farin í gang, hægt er að bæta við nemendum í hljóðfærahringekju hjá Joakim á vorönn.