Fréttir

Innritun fyrir næsta skólaár, 2022-2023, er hafin! Skráning nemenda í tónlistarnám næsta vetur fer fram á heimasíðu skólans á netfanginu; undir umsókn. Minnt skal á að nemendur sem eru í 5. bekk og ofar geta aðeins sótt um heilt nám, 60 mínútur, sem má skipta niður í 2 hálfa tíma á viku. Nemendur 1.- 4. Bekkjar, eða 6-9 ára, geta sótt um heilt eða hálft nám. (Samkvæmt innritunarreglugerð 2019.) Hljóðfærahringekjan er alveg ný grein innan skólans, en hún byggist á því að nemendur læra undirstöðuatriði á mörg hljóðfæri yfir veturinn. Farið er með þau í gegnum blásturs-strengja og rythmísk hljóðfæri ( slagverk, rafbassa og gítar) á þremur tímabilum yfir veturinn, 8 vikur í senn. Kennt er í litlum hópum, 3 saman í tíma í 30 mínútur, einu sinni í viku. Ekki er gert ráð fyrir heimanámi þar sem nemendur fá hljóðfæri í kennslutíma. Æskilegur aldur er 6 -9 ára, eða 1.- 4. bekk. Nemanda, sem er í öðru hljóðfæranámi, er heimilt að sækja um í hringekju, miðað við aldur viðkomandi. Þetta gæti hentað vel þeim sem eru óákveðnir í hljóðfæravali. Lokatónleikar og skólaslit Tónlistarskóla Skagafjarðar verða í Frímúrarasalnum að Borgarflöt 1 á Sauðárkróki föstudaginn 20. maí kl.16. Meðal atriða verða: Tónlistarflutningur, veitt verður úr minningarsjóðum, kennarar kvaddir við starfslok, afhending prófskírteina. Allir velkomnir

Vil benda á vefslóðina skagafjordur.felog.is ef einhver vandræði eru með skráningu á Nóra.

Innritun fyrir næsta skólaár hefst í dag 12. ágúst. Sækja skal um skólavist í gegnum Nóra á skagafjordur.is Bent er á það að kynna sér vel innritunarreglur sem eru á heimasíðu sveitarfélagsins áður en sótt er um nám við skólann.