Gítardeild

 

Námslýsing:

  1. Æskilegur byrjunaraldur fyrir gítarnám er frá c.a. 8. ára og uppúr. 
  2. Gítarar eru til í mörgum stærðum og það auðveldar ungum nemendum námið.
  3. Námið er stundað í einkatímum til að byrja með, en æskilegt er að vera jafnhliða með í samspili.
  4. Æskilegt er að nemendur stundi fullt nám við skólann sem er 2 sinnum 30 mín. á viku.
  5. Nemendur skulu stunda hliðargreinar þegar fram í sækir, s.s. tónfræði, sögu, tónheyrn og hljómfræði.

Kennslufyrirkomulag:

Námið skiptist í þrjá áfanga með eftirfarandi hætti:

Grunnnám  (sambærilegt að 3. stigi áður)

Áhersla lögð á nótnalestur og tækni ásamt því að spila innlenda og erlenda tónlist frá ýmsum tímabilum.

  • Æskilegt er að einkatíminn sé 2 sinnum 30 mín. á viku.
  • Samspilstímar eftir samkomulagi kennara.
Miðnám (sambærilegt að 5. stigi áður)

Verkefni breytast í samræmi við námskrá.

  • 1 klukkustund á viku í einkatíma.
  • 1 klukkustund á viku í samspili.
  • 2 klukkustundir á viku í tónfræði,tónheyrn og tónlistarsögu.
Framhaldsnám (sambærilegt að 7. stigi áður)

Verkefni breytast í samræmi við námskrá.

  • 1 klukkustund á viku í einkatíma.
  • 1 klukkustund á viku í samspili.
  • 1 klukkustund á viku í tónfræðigreinum.
  • 1 klukkustund á viku í tónlistarsögu.
  • 1 klukkustund á viku í tónheyrn

Áfangapróf

Að loknum hverjum áfanga er tekið áfangapróf þar sem samræmd prófanefnd dæmir prófið.  Nánari upplýsingar um prófin og prófanefndina er að finna á vefsíðunni prófanefnd.is

Ætlast er til að nemendur mæti vel í alla tíma, stundi námið af áhuga og æfi sig reglulega heima.
Tónlistarskólinn er með fjölmarga tónleika á hverju starfsári og skulu nemendur taka þátt í þeim. 

 

Svæði

Tónlistarskóli Skagafjarðar  |  Sími: 455 1189  |  netfang: tons@skagafjordur.is