 Námslýsing:
- Píanónám er fyrir alla aldurshópa, frá 1.bekk grunnskóla og upp úr.
Píanó eru af mörgum mismunandi gerðum og þarf því að huga vel að áslætti strax í upphafi náms.
- Námið er stundað í einkatímum 2 x 30 mín.( full kennsla) til að byrja með, en lengra komnir nemendur geta eins tekið 60 mínútur á viku.
- Nemendur þurfa að hafa hljóðfæri heima þar sem stór hluti námsins felst í heimavinnu (æfingum). Oft sækja nemendur, um píanónám þótt þeir hafi aðeins hljómborð heima. Hægt er að komast af með hljómborð í byrjun píanónáms en vegna þess hversu ásláttur er ólíkur á hljómborði og píanói, þurfa nemendur að hafa aðgang að píanói a.m.k. að loknu 1.stigi.
- Almennt er miðað við að nemendur hefji nám í píanóleik 7-8 ára, en það er þó ekki einhlítt og geta nemendur hafið nám á ýmsum aldri.
- Nemendur skulu stunda hliðargreinar með s.s. tónfræði,tónheyrn,hljómfræði, tónlistarsögu.
|
Kennslufyrirkomulag:
Námið skiptist í þrjá áfanga með eftirfarandi hætti:
Grunnnám (sambærilegt að 3. stigi áður)
Aðaláhersla er lögð á nótnalestur og tækni ásamt því að spila innlenda og erlenda tónlist.
- 1 klukkustund á viku með kennara (má skipta í 2 x 1/2 tíma)
Miðnám (sambærilegt að 5. stigi áður)
Verkefni breytast í samræmi við námskrá.
- 1 klukkustund á viku í kennara
- 1 klukkustund á viku í samsvarandi tónfræðigreinum
Framhaldsnám (sambærilegt að 7. stigi áður)
Verkefni breytast í samræmi við námskrá.
- 1 klukkustund á viku með kennara.
- 1 klukkustund á viku í samsvarandi tónfræðigreinum.
- 1 klukkustund á viku í tónlistarsögu.
|
Áfangapróf
Að loknum hverjum áfanga er tekið áfangapróf þar sem samræmd prófanefnd dæmir prófið. Nánari upplýsingar um prófin og prófanefndina er að finna á vefsíðunni prófanefnd.is
|
Samspil
- Æskilegt er að lengra komnir píanónemendur taki þátt í samleik með öðrum hljóðfærum.
- Ætlast er til að nemendur mæti vel í alla tíma, stundi námið af áhuga og æfi sig reglulega heima.
- Tónlistarskólinn er með fjölmarga tónleika á hverju starfsári og skulu nemendur taka þátt í þeim.
|
