Fréttir

Verið velkomin að njóta þess að heyra og sjá unga og efnilega nemendur, ýmist sem einleikara eða í samspili, koma fram á vortónleikum skólans. Tónleikarnir verða í sæluvikunni víðs vegar um Skagafjörð. Tónlistarskólinn á Sauðárkróki Mánudaginn 25. apríl kl.17 Þriðjudaginn 26. apríl kl.17 Miðvikudaginn 27. apríl kl.17 Miðgarður Varmahlíð Þriðjudaginn 26. apríl kl. 17 og 18:30 Grunnskólinn austan vatna Sólgörðum Mánudaginn 25. apríl kl.09:45 Grunnskólinn austan vatna Hólum Fimmtudaginn 28. apríl kl. 15:30 Höfðaborg Hofsósi Fimmtudaginn 28. apríl. kl. 17 Minnum á að innritun stendur yfir, sjá heimasíðu skólans „tonlistarskóli.skagafjordur.is“

Vikan 11.-15. apríl er foreldravika. Þá mætir nemandi í tímann sinn ásamt foreldri/forráðamanni,ef því verður við komið. Innritun er hafin fyrir næsta skólaár, því er heppilegt að nota foreldravikuna til að sækja um skólavist fyrir næsta ár í leiðinni. Mikilvægt er að nemendur búi við jákvætt viðhorf til tónlistarnámsins og að foreldrar/ forráðamenn geti fylgst með framvindu námsins. Hljóðfæranám byggist að miklu leyti á daglegri og reglubundinni þjálfun og er því að verulegu leyti heimanámi. Árangursríkara er að nemendur æfi sig oftar og skemur í senn, en sjaldnar og lengur. Tónlistarnám þarf að vera ánægjulegt og ánægjan felst ekki síst í því að nemandinn finni framför hjá sjálfum sér.

Sækja skal um skólavist á heimasíðu skólans, eða í íbúagátt sveitarfélagsins. Einnig fást umsóknareyðublöð í Tónlistarskólanum. Frekari upplýsinga veitir skólastjóri í síma 453-5790 Hægt er að senda fyrirspurn á tons@skagafjordur.is