Fréttir

Mikilvægt er að nemendur búi við jákvætt viðhorf til tónlistarnámsins, að foreldrar/forráðamenn sýni náminu áhuga og að þeir fylgist með framvindu þess. Framundan er foreldravika og þá bjóðum við foreldra/forráðamenn velkomna í kennslustund með barninu.Það er mikilvægt að foreldravika verði notuð til þess að koma á samskiptum á milli heimili og skóla, að kennari tali við nemandann og foreldri um framvindu námsins. Eflaust eru ekki allir foreldrar sem komast í kennslustund og er þá hægt að hafa samband við viðkomandi kennara, hægt er að nálgast símanúmer kennara á heimasíðu skólans.

Skráning í Tónlistarskólann er hafin á ný, þeir nemendur sem skráðu sig í vor þurfa ekki að skrá sig aftur nema einhverra breytinga sé þörf. Til að sækja um skólavist er best að fara inn á heimasíðu skólans og skrá sig inn þar "tonlistarskoli.skagafjordur.is" eða á íbúagátt sveitafelagsins.

Tónlistarkennsla í 50 ár Föstudaginn 22. maí kl. 16.00 verður Tónlistarskóla Skagafjarðar slitið í 50. sinn. Að því tilefni verða haldnir sérstakir hátíðartónleikar á sal Frímúrara að Borgarflöt 1. Flutt verða ávörp, nemendur skólans flytja tónlist, veitt verður úr minningarsjóðum og afhending prófskríteina. Við bjóðum velunnara skólans og nemendur fyrr og síðar sérstaklega velkomna á þessi skólaslit. Kaffi og tertur eftir tónleika Viljum minna á að innritun stendur yfir. Sækja skal um skólavist á heimasíðu sveitarfélagsins í gegnum íbúagátt. Einnig er hægt að sækja um á heimasíðu tónlistarskólans. Upplýsingar fást í sima 453-5790 eða 849-4092