Fréttir

Vikan 29.sept.- 3.október er foreldravika. Þá mætir nemandi í tímann sinn ásamt foreldri/forráðamanni,ef því verður við komið. Mikilvægt er að nemendur búi við jákvætt viðhorf til tónlistarnámsins og að foreldrar/ forráðamenn geti fylgst með framvindu námsins. Hljóðfæranám byggist að miklu leyti á daglegri og reglubundinni þjálfun og er því að verulegu leyti heimanám. Árangursríkara er að nemendur æfi sig oftar og skemur í senn, en sjaldnar og lengur. Tónlistarnám þarf að vera ánægjulegt og ánægjan felst ekki síst í því að nemandinn finni framför hjá sjálfum sér.

Þeir nemendur sem sóttu um skólavist í vor þurfa ekki að staðfesta umsókn, nema einhverra breytinga sé þörf. Hægt er að sækja um skólavist á heimasíðu skólans tonlistarskoli.skagafjordur.is eða á íbúagátt sveitafélagsins. Einnig hægt að nálgast umsóknareyðublöð í tónlistarskólanum. Þess skal getið að boðið verður upp á kennslu í raftónlist og verður kennt í hóptímum, kennari verður Hallvarður Ásgeirsson sem mun einnig kenna á gítar á Sauðárkróki. Frekari upplýsingar veitir skólastjóri í síma 453-5790, einnig er hægt senda fyrirspurnir á tons@skagafjordur.is Kennsla hefst mánudaginn 1. september samkvæmt stundartöflu

Jón Þorsteinn fyrrverandi nemandi tónlistaskólans verður með tónleika í Hofsóskirkju í kvöld 22.júlí og hefjast þeir kl. 21:00. Aðgangseyrir er 2000 kr. og rennur ágóði tónleikanna beint til tónlistaskólans. Allir velkomnir.